Policia e Kosovës njofton se sot në rrugën Prishtinë-Gjilan, konkretisht në Graçanicë, është ndaluar një veturë me targa vendore dhe pas kontrollit në të, janë gjetur lëndë narkotike, e dyshuar se është e llojit kokainë.

Sipas njoftimit për media, i dyshuari është arrestuar nërsa vlera e lëndës narkotike sipas tregut është rreth 10 mijë euro, përcjell Arbresh.info

“Policia e Kosovës respektivisht sektori qendror për hetimin e trafikimit me narkotik DHTN, pas pranimit të informacioneve përmes rrugëve operativo dhe hetimore me datë 29.10.2024 në rrugën magjistrale Prishtinë-Gjilan konkretisht në Graqanicë, ka ndaluar një veturë të dyshuar me targa vendore të cilën po e drejtonte i dyshuari mashkull kosovar. Pas kontrollit të veturës janë gjetur në një qese plastike 110 gram pluhur i bardhë në formë të ngurtë i dyshuar për kokainë, me vlerë të tregut rreth 10000 (dhjetëmijë euro)”, thuhet në njoftim.

Në cilësinë e provave materiale lidhur me rastin janë sekuestruar :

1. 110 gram substancë e dyshuar narkotike e llojit kokainë,

2. Një veturë,

3. Para kesh 200 euro dhe

4. Një telefon celular

Në lidhje me rastin është njoftuar prokurori kompetent ku në konsultim me të cilin personi i dyshuar është ndaluar për 48 orë./Arbresh.info