Serbo-amerikanët, me peticionin prej 37 mijë nënshkrimesh kanë kërkuar nga presidenti i SHBA-së Donald Trump dhe nga Kongresi i SHBA -së që të ndërpritet ndihma ekonomike dhe përkrahja për Kosovën.

“Ndaleni përkrahjen për regjimin kriminal të Thaçit në Kosovë, në politikën e saj të jashtme e të brendshme”, shkruan në peticion, njofton agjencia serbe e lajmeve tanjug.

peticion kërkohet “që të ndalet dëbimi pjesëtarëve të religjioneve jomyslimane si dhe shkatërrimi i manastireve edhe i gjurmëve të kulturës evropiane”.

Në fund të Peticionit kërkohet edhe mbajtja e një debati në Kongres për ndikimin dhe shpenzimet e politikës së jashtme amerikane në Serbi “e në Kosovë e cila destabilizon rajonin”.

Peticioni dhe Rezoluta e Komitetit organizativ të komuniteti serbo-amerikan para disa ditësh u është dorëzuar presidentit Trump, sekretarit amerikan të Shteti Pompeo si dhe kryetarëve të Komiteteve për Politikë të Jashtme në Dhomën e Ultë dhe në Senat, njofton tanjug.

Aksioni i mbledhjes së nënshkrime vazhdon edhe më tej, transmeton koha.net.