Partia e Socialistëve Evropianë mbështet VV-në dhe Kurtin në zgjedhjet e 28 dhjetorit

12:15 | 22 Dhjetor 2025
E.G

Partia e Socialistëve Evropianë (PES) mbështet Lëvizjen Vetëvendosje dhe Kryeministrin Albin Kurti në zgjedhjet e 28 dhjetorit.

Kështu ka bërë të ditur LVV në një postim në Facebook, shkruan Arbresh.info.

“Në prag të zgjedhjeve në Kosovë, shprehim mbështetjen dhe urimet tona më të mira për Lëvizjen VETËVENDOSJE! dhe liderin e saj Albin Kurti. Gjatë mandatit të kaluar, Kosova ka dëshmuar se udhëheqja social-demokrate sjell rezultate, duke forcuar demokracinë, mbështetur rritjen e qëndrueshme ekonomike dhe kontribuar në stabilitetin në një kontekst rajonal sfidues, si dhe duke ndërtuar themelet për rrugën e integrimit të Kosovës në Bashkimin Evropian.
Progresistët do të qëndrojnë gjithmonë në mbrojtje të vlerave demokratike, drejtësisë sociale dhe respektimit të vullnetit të qytetarëve”, thuhet në mbështetjen e (PES)./Arbresh.info