Halit Isufi kryesues i bordit të postës tha se rrogat në Postën e Kosovës janë të trashëguara të cilat janë të papërballueshme për buxhetin e postës.

“Kemi arritur që në vitin 2016-17 të operojmë me rritje tregtare. Për këto vite kemi lansuar dhjetëra shërbime tjera. Kemi ofruar plan konkret qeverisë, por akoma nuk kemi marrë përgjigje. Jemi e vetmja ndërmarrje publike që kemi ulur pagat e punëtorëve duke filluar nga kryeshefi ekzekutiv prej 30%. Kemi paga të trashëguara  dhe aktualisht për buxhetin janë të papërballueshme që tu jepim. Këto muajt e fundit kemi probleme jashtëzakonisht të mëdha për shkak të uljes së shërbimeve telefonike”, tha ai.

Ministri i Zhvillimit Ekomomik, Valdrin Lluka është duke raportuar para Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal lidhur me gjendjen në Ndërmarrjen Publike Posta e Kosovës./Arbresh.info/