Osmani vizitë kompanisë pronari i së cilës u kthye nga Zvicra në Kosovë: Tregim fantastik, ka mbi 3.500 klientë

19:53 | 19 Mars 2024
E.H

Presidentja e vendit, Vjosa Osmani ka vizituar kompaninë “Numarics”, pronari i të cilës ka ardhur nga Zvicra në Prishtinë.

Përmes një postimi në Facebook, Osmani ka thënë se kompani si kjo janë motivim për rinin, përcjell Arbresh.info.

“Nga Zvicra në Prishtinë, një tregim fantastik i Krisit dhe kompanisë së tij “Numarics”. Kjo kompani ka rreth 3,500 klientë në Zvicër dhe është radhitur në top 10-shen e kompanive fintech në këtë shtet. “Numarics”, është mundësi për kursim buxheti dhe dinamizëm në punë. Kompanitë sikurse kjo janë motivim për rininë tonë dhe inkurajim që Kosovën ta shohin si vend ku mund ta realizojnë potencialin dhe ta shpërfaqin kreativitetin e tyre”, ka shkruar Osmani./Arbresh.info