Osmani uron për Ramazan: Zoti ju bekoftë në këtë muaj të shenjtë dhe ju pranoftë lutjet!

21:30 | 22 Mars 2023
H.E

Presidentja e Kosovës, Vjosa Osmani ka uruar besimtarët mysliman fillimin e muajit të shenjtë të Ramazanit.

E para e shtetit, përmes një postimi në rrjetin social Facebook, ka uruar që zemra dhe sofra e secilit të jetë plotë.

“Sonte fillon muaji i shenjtë i Ramazanit, muaj i sakrificës, përkushtimit, solidaritetit dhe mirësisë. Gjatë këtij muaji, secili nga besimtarët, përveç sakrificës personale dhe paqes shpirtërore, manifeston shpirtin solidar e tolerant në raport me tjetrin, në raport me njerëzit në nevojë. Populli ynë gjithmonë e ka kultivuar solidaritetin, ndaj në këtë muaj uroj që secila zemër e secila sofër të jetë plot, në mënyrë që respekti i ndërsjellë dhe dashuria të jenë udhërrëfyes përherë”, ka shkruar Osmani.

“Zoti ju bekoftë në këtë muaj të shenjtë dhe ju pranoftë lutjet, agjërimin dhe veprat e mira!”, tha Osmani në fund./arbresh.info/