Deputeti i Lidhjes Demokratike të Kosovës (LDK), Naser Osmani ka thënë se nëse Kryeministri nuk vepron për ruajtjen e raporteve me SHBA-në, dikush në këtë shtet duhet të veprojë.

Osmani, në RTV Dukagjini ka thënë se qytetarët e Kosovës po vendosen në një situatë ku duhet të zgjedhin janë me Amerikën apo me taksën

Deputeti i Lidhjes Demokratike të Kosovës ka thënë njerëzit që janë në krye të institucioneve të Kosovës asnjëherë nuk duhet të vendosin interesat e tyre personale para raporteve me SHBA-në.

“Faktikisht ne kemi hyrë në sanksionet amerikane, sepse tashmë janë marrë veprimet e para nga ta. Anulimi i vizitave, mosdhënia e 12 milionëve për ushtrinë edhe gjëra të tjerë që janë paralajmëruar”.

Osmani ka thënë se nëse Kryeministri nuk ndërhynë për të zgjidhur çështjen e taksës në raport me interesat e Kosovës, dikush në këtë shtet duhet të veprojë.

“LDK dhe Vetëvendosje si parti opozitare nuk e kanë fuqinë për të ndërhyrë, sa e kanë njerëzit që janë në institucione, në këtë rast Presidenti i Kosovës dhe Kryeministri. Nëse Kryeministri nuk vepron, atëherë dikush duhet të veprojë në këtë shtet, por nuk duhet të vihet në luhatje interesi madhor i Kosovës”, tha ndër të tjera Naser Osmani.