Presidentja e vendit, Vjosa Osmani është takuar me homologun e saj austriak, Alexander Van der Bellen në Mauthausen për ceremoninë e 80 vjetorit të çlirimit të Kampit të përqëndrimit.

Me anë të një postimi në Facebook, Osmani shkroi se pas ceremonisë përkujtimorë, me der Bellen patën një diskutim të sinqertë e përmbajtësor për miqësinë mes dy shteteve, përcjell Arbresh.info.

Ndër të tjera, Osmani tha se në procesin e integrimit euro+-atlanti, Kosova është e bekuar që ka në krah miq sikurse Austria.

“Me Presidentin austriak Alexander Van der Bellen dhe Zonjën e Parë Doris Schmidauer, ishim në Mauthausen për ceremoninë e 80 vjetorit të çlirimit të Kampit të përqëndrimit. Para ceremonisë përkujtimore, patëm një diskutim të sinqertë e përmbajtësor për miqësinë tonë të qëndrueshme e përkrahjen e çmuar të Austrisë në çdo etapë të shtetndërtimit të Kosovës. Kosova është e përkushtuar për procesin e integrimit euro-atlantik, e në këtë rrugëtim është e bekuar të ketë në krah miq sikurse Austria”, ka shkruar Osmani./Arbresh.info