Presidentja e shtetit, Vjosa Osmani, ka kujtuar veprimtarin, Shaban Manaj, në 25 vjetorin vrasjes së tij. Ajo e ka quajtur Manajn simbol të qëndresës dhe vizionit, ndërsa tha se drejtësia për të dhe për të gjithë të vrarët mbetet zotimi i tyre i përhershëm.

Osmani tha se Manaj dëshmoi guxim për kauzën e Kosovës së lirë e demokratike.

“Sot e kujtojmë me nderim dhe respekt Shaban Manajn, veprimtarin e paepur të lirisë, avokatin dhe bashkëpunëtorin besnik të Presidentit historik Dr. Ibrahim Rugova. Ai dëshmoi guxim dhe përkushtim në angazhimin e tij për kauzën e Kosovës së lirë e demokratike. Shaban Manaj mbetet simbol i qëndresës dhe vizionit. Drejtësia për të dhe për të gjithë të vrarët mbetet zotimi ynë i përhershëm”., tha Osmani në përkujtimin e saj në 25 vjetorin e vrasjes së Shaban Manajt.