Osmani: Jemi duke punuar që të arrijnë edhe vaksina tjera sa më parë

13:34 | 6 Prill 2021

Presidentja Vjosa Osmani për media tha se  në këtë vend është duke u dhënë një mesazh i rëndësishëm dhe pandemia shpejt do e ketë fundin.

“Në këtë vend ku jepet mesazh i shpresës që edhe pandemisë do t’i vijë fundi. Shumë e lumtur që ka filluar vaksinimi. Deri më tani po shkon gjithçka në mënyrë shembullore. Falënderoj stafin shëndetësor që po e organizojnë këtë proces shumë të mirë. Ne të vazhdojmë t’i respektojmë të gjitha masat për të na mbrojtur nga kjo pandemi”, tha Osmani, raporton arbresh.info

Tutje Presidentja Osmani tha se është e informuar në lidhje me regjistrimin dhe ka ftuar të gjithë që të marrin vaksinën.

“U informova lidhur me regjistrimin dhe dua të inkurajoj të gjithë të kryejnë vaksinimin. Për fat të keq numri i vdekjeve dhe infeksioneve është i madh, prandaj duhet një kujdes më i madh prej nesh. Jemi duke punuar që të arrijnë edhe vaksina tjera sa më parë të jetë e mundur. Puna dhe angazhimi nuk do të mungojnë në asnjë moment”, përfundoi Osmani./arbresh.info/

Shpërndaje në rrjete sociale

Lajmet më të lexuara