Presidentja e Republikës së Kosovës Vjosa Osmani ka thënë se Manifesta 14 është një moment ideal për të ri dëshmuar identitetin tonë evropian.

Sipas saj Prishtina do të jetë referencë globale e ngjarjes së madhe kulturorë.

“Për 100 ditë, kryeqyteti i Kosovës do të jetë referencë globale e ngjarjes së madhe kulturore Manifesta, Bienalja Evropiane Nomade” ka shkruar Osmani në Facebook.

Osmani tha se hapja e edicionin e katërmbëdhjetë të Manifestës, përkon me 14 vjetorin e pavarësisë së Kosovës.

“Patëm kënaqësinë mbrëmë që ta hapim edicionin e katërmbëdhjetë të Manifestës, i cili përkon me 14 vjetorin e pavarësisë së Kosovës”, tha Presidentja.

Tutje ajo tha se Prishtinës i ka hije kur grumbullon njerëz nga vende të ndryshme të botës.

“Prishtinës, i ka hije kjo pamje, kur grumbullon njerëz nga vende të ndryshme të botës për ta shpërfaqur shpirtin e saj rinor, sikurse edhe hapjen ndaj kulturave e kombeve të tjera”, ka shkruar në fund Presidentja Osmani.