Si shkak i numrit të vogël të nxënësve në shumë fshatra të Komunës së Kamenicës,  15 shkolla vazhdojnë të qëndrojnë të mbyllura, sipas reformës së kryetarit Qëndron Kastrati.

E një gjë e tillë po e rrezikon humbjen e vitit shkollor të  548 nxënësve në atë komunë, të cilët nuk e ndoqën fare gjysmë vjetorin e parë, shkruan arbresh.info

Kjo e ka shtyrë kryetarin e Bashkësisë Lokale të fshatit Karaçevë, Selver Lenjanin, që tu drejtohet institucioneve kryesore të shtetit.

Ai u ka dërguar letër U.D të presidentit, Vjosa Osmanit dhe kryeministrit Avdullah Hoti ka kërkuar që t’i pranojnë në takim dhe të ua tregojnë hallet që kanë tash e sa vite lidhur me shkollat në atë komunë.

“15 shkolla janë të mbyllura në Kamenicë edhe në brez kufitar i ka mbyllur kreu i komunës, mbi 100 nxënës nuk e vijojnë mësimin”, thuhet ndër të tjera në letrën e Lenjanit drejtuar Presidencës dhe Qeverisë.

Kujtojmë se janë bërë dy vjet kur edhe ka nisur reforma e kryetarit të Komunës së Kamenicës, Qëndron Kastrati, mirëpo që ka hasur në rezistencë të shumë qytetarëve në atë komunë./arbresh.info/