Kryetarja e Kuvendit të Kosovës, Vjosa Osmani ka propozuar që të futet në rend të ditës rezoluta që kërkon shkarkimin e anëtarëve të Listës Serbe që iu bashkohen kërkesave për luftë diplomatike ndaj Kosovës, raporton Arbresh.info.

Nëse një gjë e tillë nuk ndodh, atëherë Osmani ka thënë se do të thërrasin seancë ku do të iniciohet mocion për shkarkimin e Rakiq.

“Propozoj që të hyj në rend të ditës, kjo propozim rezolutë. Kuvendi i Kosovës propozon: Pika 1 Rikonfirmon se sovraniteti i Kosovës është i pacenueshëm çdo thirrje tjetër kërcënon themelet e shtetit të Kosovës.

Pika 2 Rikonfirmon se të gjitha subjektet kanë për obligim që të punojnë për interesin e vendit.

Pika 3 Kuvendit fton qeverinë që të mos lejojë asnjë anëtar të saj që të jetë i angazhuar në fushatën e Serbisë kundër Kosovës. Kuvendi kërkon që të shkarkojë të gjithë ata që bëhen pjesë e këtyre thirrjeve.

Pika 4 Nëse qeveria nuk e shkarkon brenda javës, atëherë Kuvendi do të thërrasë mocion për këtë çështje”, tha Osmani.