Aleanca për Ardhmërinë e Kosovës(AAK) nesër do ta dërgojnë në Gjykatën Kushtetuese ligjin për pagën minimale.

Kështu ka njoftuar ky subjekt politik përmes një komunikate.

“Shefi i Grupit Parlamentar të AAK-së, Besnik Tahiri do të dorëzojë kërkesën lidhur me vlerësimin e e kushtetutshmërisë së Ligjit nr. 08/L-142 për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale”, thuhet në njoftimin e AAK-së.

Pas dorëzimit Tahiri do t’i drejtohet mediave lidhur me lëndën dhe kërkesën e AAK-së.

Kuvendi i Kosovës në javën e kaluar ka miratuar Ligjin për pagën minimale me 60 vota për, një abstenim dhe asnjë votë kundër. Ligj që parasheh rritjen e pagës minimale në 264 euro bruto ose 250 euro neto.

Kujtojmë se sot gjatë ditës Partia Demokratike e Kosovës e ka bërë të njëjtin veprim./Arbresh.info/

Lexo edhe:

PDK çon në Kushtetuese seancën ku u miratua Ligji i Pagës Minimale