Policia e Kosovës ka raportuar për një vetaksident trafiku që ka ndodhur sot rreth orës 11:20 në rrugën “Kral Petri”, në magjistralen Mitrovicë–Zveçan, ku është përfshirë një motoçiklist.

Siç njofton policia, në aksident është përfshirë F.A., 67 vjeç, i cili ka humbur kontrollin mbi motoçikletën dhe ka pësuar lëndime trupore.
Poliai bën të ditur se atij i është bërë matja me alkool-test dhe ka rezultuar se ishte nën ndikimin e alkoolit me 0.53‰.

“Zyrtarët policorë i kanë dhënë ndihmën e parë të lënduarit deri në ardhjen e shërbimit emergjent mjekësor, të cilët më pas e kanë dërguar në Spitalin Rajonal në Mitrovicë. Pas trajtimit mjekësor, personi i lënduar është liruar. Policia ka kryer vend shikimin dhe është duke punuar për të identifikuar shkaqet e aksidentit. Personit të përfshirë i është bërë matja me alkool-test dhe ka rezultuar se ishte nën ndikimin e alkoolit me 0.53‰”, bën të ditur policia.

Policia e Kosovës apelon fuqishëm tek të gjithë pjesëmarrësit në komunikacion, e veçanërisht motoçiklistët, që të respektojnë rregullat e qarkullimit rrugor, të shmangin shpejtësinë e tepruar dhe të mos ngasin nën ndikimin e alkoolit apo substancave tjera./Arbresh.info/