Policia e Misionit të Bashkimit Evropian për Sundim të Ligjit në Kosovë, EULEX, dje ka bastisur zyrat e Organizatës së Veteranëve të Luftës së Ushtrisë Çlirimtare të Kosovës.

E po atë kohë hetuesit e Speciales kanë arrestuar kryetarin e Organizatës së Veteranëve të Luftës së UÇK-së Hysni Gucatin dhe më vonë edhe nënkryetarin e kësaj organizate, Nasim Haradinaj, shkruan arbresh.info

Haradinaj është ndaluar pas fjalimit të tij para mediave, i cili tha se nuk e njohin Gjykatën Speciale.

Burimet e Arbresh.info, brenda OVL-UÇK-së, bëjnë të ditur se Nasim Haradinaj ka qenë në muajin prill të 2019 në Hagë.

Haradinaj ishte duke e shoqëruar bashkëluftëtarin e tij Rrahim Hashimi, ku ky i fundit ishte intervistuar në cilësinë e të dyshuarit për 3 ditë rresht 9 -10-11 prill 2019.

E këtë e dëshmojnë edhe disa foto të ish-luftëtarit të UÇK-së, Rrahim Hashimi, i cili ka postuar disa foto me Nasim Haradinajn, në kohën kur kishin qenë në Hagë.

Për Hysni Gucatin rëndon akuza e frikësimit të dëshmitarëve, kurse për fatin e Nasim Haradinaj nuk dihet ende./E.Ballazhi/arbresh.info/