Ambasadori i Kosovës në Shqipëri, Nait Hasani ka qëndruar për afër 24 orë pranë objektit ku po kërkohej trupi i pajetë i gjilanasit pas tërmetit që goditi Shqipërinë të martën.

Hasani ne vendin e ngjarjes ku fillimisht kërkoheshin trupat e dy kosovarëve të mbuluar nga rrënojat e një hoteli kishte dalë orët e para të mëngjesit ndërsa kishte qëndruar deri pasmesnate, shkruan arbresh.info.

Ai gjithashtu në një intervistë për arbresh.info ka bërë të ditur se do të u qëndroj pranë familjarëve dhe qytetarëve deri në gjetjen e trupave të kosovarëve dhe të të gjithë shqiptarëve të tjerë.

Dy kosovarët nga Gjilani të cilët punonin me pjesë të veturave vinin shume shpesh në Shqipëri ndërsa natën e aksidentit të dy kishin qenë në hotelin  5 katësh i cili u shemb i gjithi.

Trupi i njërit prej vëllezërve ishe gjetur pasditen e së martës ndërsa i vëllait tjetër ishte gjetur por nuk ishte nxjerr nga gërmadha tas pas orës 02:00 të së mëngjesit të së mërkurës deri kur ekipi i arbresh.info kishte qëndruar në vendin e ngjarjes.

Ndryshe Shqipërinë të martën e kishin goditur disa tërmete e ai më i fuqishmi rreth orës 03:50 të mëngjesit i cili ishte prej 6.4 ballësh e mori dhjetëra jetë njerëzish e la qindra të lënduar.

Ekipi i arbresh.info gjatë tërë ditës ka qëndruar në dy pikat më të prekura nga ky termet në Thumanë dhe Durrës nga ku raportuar drejtpërdrejtë për të gjitha zhvillimet./arbresh.info/