Ministri i Financave, Hekuran Murati në Seancën e Kuvendit të Kosovës foli për të hyrat vetanake.

Lidhur me këtë  më herët ka reaguar edhe kryetari i Prishtinës, Përparim Rama.

Murati tha se kjo çështje rregullohet me ligjin për menaxhimin e financave publike, ku të hyrat vetanake të pashpenzuara të Komunës për vitin paraprak barten në vitin vijues.

“Kjo çështje rregullohet me ligjin për menaxhimin e financave publike, ku thuhet që të hyrat vetanake të pazhpenzuara të komunës për vitin paraprak barten në vitin vijues, kjo gjë pastaj rregullohet edhe me nenin 9 paragrafi 6 i ligjit të buxhetit i cili e thotë të njëjtën gjë”, tha Murati.

Ai tha se këto të hyra janë në përputhje me ligjin për menaxhimin e financave publike, dhe përmendi faktin se ky nen është adamentuar nga grupi parlamentar i Lidhjes Demokratike të Kosovës.

“Të hyrat vetanake nga viti 2022 barten në vitin 2023 dhe kjo është në tersi në përputhje me ligjin për menaxhimin e financave publike, madje nëse ju kujtohet ka qenë pikërisht ky nen që është adamentuar nga grupi parlamentar i LDK dhe është votuar edhe nga grupi i lëvizjes Vetëvendosje. Ligji për buxhetin e parasheh këtë dhe ne po e zbatojmë ligjin që e keni miratuar ju si kuvend e madje nenin përkatës që e ka adamentuar LDK”, theksoi ministri./Arbresh.info/

lexo edhe:

Rama- Hekuran Muratit: Po na i bllokon 28.8 milionë euro, do i drejtohemi Kushtetueses nëse s’barten menjëherë