Murati: Numri i bashkatdhetarëve që po kthehen të investojnë e punojnë në Kosovë po rritet dita ditës

19:13 | 9 Qershor 2024
E.H

Ministri i Financave, Hekuran Murati ka bërë të ditur se numri i bashkatdhetarëve që po kthehen të investojnë e punojnë në Kosovë, është në rritje dita ditës.

Me anë të një postimi në Facebook, Murati tha se së shpejti do të lansohet një instrument i ri që do të mundësojë katalizimin dhe rritjen e mëtutjeshme të investimeve të mërgatës në atdhe, përcjell Arbresh.info.

“Këtë e shohim pothuajse në të gjithë sektorët – duke filluar nga shërbimet digjitale, energjia e ripërtërishme, e deri te bujqësia. Së shpejti do të lansojmë një instrument të ri që do të mundësojë katalizimin dhe rritjen e mëtutjeshme të investimeve të mërgatës sonë në atdhe”, shkroi Murati.

“Sepse bashkatdhetarët tanë e njohin potencialin zhvillimor të vendit më mirë se cilido investitor tjetër i huaj. Qeveria për zhvillim”, tha ministri Murati./Arbresh.info