Në kuadër të Muajit të Ndërgjegjësimit për Kancerin e Gjirit, Presidenca dhe Kuvendi i Republikës së Kosovës kanë ndiçuar ndërtesën me ngjyrë rozë.

Kjo është bërë në shenjë solidarizimi me gratë e prekura nga kanceri i gjirit, shkruan Arbresh.info.

Tetori, në të gjithë botën është muaji i ndërgjegjësimit për zbulimin e hershëm të kancerit të gjirit.

Muaji i ndërgjegjësimit për kancerin e gjirit është një fushatë vjetore ndërkombëtare që synon të shpërndajë informacion dhe të edukojë njerëzit për rëndësinë e shëndetit të gjirit, për zbulimin e hershëm të kancerit të gjirit te gratë dhe vajzat në të gjithë botën.

Çdo vit, kjo fushatë fillon më 1 tetor dhe përfundon më 31 tetor. Fushata organizohet edhe për të mbledhur fonde për kërkime shkencore për zbulimin e shkaqeve, parandalimin, diagnozën dhe trajtimin e këtij kanceri.

Fushata gjithashtu ofron informacion dhe mbështetje për femrat që janë të prekura nga kanceri i gjirit./Arbresh.info.