Qarkullimi i parave të falsifikuara po vazhdon të ‘lulëzojë’ në Kosovë, ku qindra e mijëra euro fals vihen përditë në treg.

Përveç 2 euro-ve të cilat në mënyrë të pakontrolluar u futen të tregun tonë, tashmë qytetarët e Kosovës janë të rrezikuar edhe nga monedha të tjera fals.

Monedha 1 euro, 5 euro dhe 50 euro të falsifikuara po qarkullojnë në treg, raporton Arbresh.info.

Qytetarët para mikrofonit të Arbresh.info janë shprehur të shqetësuar për këtë dukuri që po rrezikon xhepin e tyre.

Një qytetare është shprehur e shqetësuar, duke treguar se vetë ka rënë pre e mashtrimit të parave të falsifikuara.

“Më ka ra rasti, më kanë mashtru, më vjen keq që kanë fillu mashtrime me bo, populli nuk e meriton këtë, magnetet nuk po punojnë mirë, nuk e kam ditë se është fals, nuk mi kanë marrë në market”, tha ajo.

Një tjetër thotë se u bë një kohë e gjatë që paratë e falsifikuara po qarkullojnë.

“Çdo shoqëri e ka një sistem të vetin, si na për shembull që kemi pranuar euro, euroja është një pare e avancuar, tash janë specializu njerëzit dhe për falsifikime, mirëpo jo tash, aty ka pasur vite përpara që kanë falsifiku”, u shpreh një qytetarë tjetër.

Qytetarët kërkojnë që organet e shtetit të jenë më “syhapur” ndaj qarkullimit të këtyre parave.

“Kjo është një shqetësim shumë i madh për shtetin dhe për qytetarët, sidomos për qytetarët, organet e shtetit janë ata të cilët duhen të jenë gardian ose mbikëqyrës të falsifikuesve të tillë, të cilët bëjnë qarkullimin e mjeteve dmth monedhës nëpër popullatë që paraqet dëm, vepër penale”, u shpreh qytetari. /Arbresh.info/Rita Jakupi/