Ministria e Shëndetësisë del me njoftim, ja me cilat kushte mund të hyni në Kosovë

17:29 | 14 Tetor 2021

Ministria e Shëndetësisë përmes një shkrimi në rrjetin social Facebook ka dhënë informacione për masat e reja për ata që hyjnë në Kosovë, shkruan arbresh.info.

Sipas MSH-së, çdo person që hyn në Kosovë duhet të posedojë certifikatën e vaksinimit të plotë, testin RT-PCR negativ për COVID-19 jo më të vjetër se 72 orë, dëshminë se personi ka kaluar COVID’in apo testin e shpejtë antigjen.

Njoftimi i plotë:

Në bazë të pikave 3. dhe 8. të vendimit nr. 01/37, të datës: 24.09.2021 të Qeverisë së Republikës së Kosovës, ju rikujtojmë se nga data 13 tetor 2021,

çdo person i cili hyn në Republikën e Kosovës dhe të gjithë punonjësit e institucioneve publike, si dhe personeli i ndërmarrjeve publike në pronësi të Qeverisë apo të një komune, në mënyrë që të ju lejohet hyrja në ambientet e punës duhet të posedojnë certifikatën e vaksinimit të plotë, apo ndonjërën nga dëshmitë tjera si:

-Testi RT-PCR negativ për COVID-19, jo më i vjetër se 72 orë;

-Dëshmia se personi ka kaluar COVID-19 (test RT-PCR pozitiv i lëshuar jo më pak se 21 ditë dhe jo më shumë se 180 ditë ose rezultat pozitiv i testit të antitrupave serologjik –IgG, i lëshuar më së shumti para 30 ditëve;

-Testi i shpejtë antigjen negativ jo më i vjetër se 48 orë.

Shpërndaje në rrjete sociale

Lajmet më të lexuara