Ministri Lekaj tu takua me ministrin Sefaj, flasin për sigurinë në komunikacion

11:09 | 4 Tetor 2017
M. A.

Sot Ministri i Infrastrukturës, Pal Lekaj, priti Ministrin e Punëve të Brendshme, z. Flamur Sefaj, me të cilin bisedoi për temat që u përkasin të dy ministrive.

Gjatë bisedës, në mënyrë të veçantë diskutuan për sigurinë në komunikacion, ndërkaq Ministri Lekaj tha se “… ne do të përpiqemi që në mënyrë të vazhdueshme ta ngrisim efikasitetin e punës së kontrollave teknike, të avancojmë çështjen e sinjalistikës dhe ndriçimit në rrugët me frekuentim më të lartë të trafikut”.

Të dy ministrat u dakorduan për arritjen e një marrëveshjeje të mirëkuptimit për ndarjen e përgjegjësive për eliminimin e problemeve në fushën e sigurisë dhe komunikacionit rrugor./arbresh.info/

22251185_10210554899416326_1074269230_o 22290645_10210554899136319_1587716107_o