Ministri i Shëndetësisë takon Majorin Ryan Conley, flasin për menaxhimin e pandemisë Covid-19

11:41 | 12 Janar 2022

Ministri i Shëndetësisë, Rifat Latifi ka takuar sot Shefin e Zyrës së Bashkëpunimit për Mbrojtje të Ambasadës Amerikane në Kosovë, Majorin Ryan Conley.

Gjatë takimit është biseduar për situatën rreth Covid-19, procesin e vaksinimit dhe përgjigjien e përbashkët ndaj sfidave që ka shkaktuar pandemia në sistemin shëndetësor dhe shërbimet vitale për qytetarët.

Postimi i plotë:

Ministri i Shëndetësisë, Dr. Rifat Latifi ka takuar sot Shefin e Zyrës së Bashkëpunimit për Mbrojtje të Ambasadës Amerikane në Kosovë, Majorin Ryan Conley.

Ministri Latifi ka falenderuar Ambasadën Amerikane e në veçanti Zyrën e Bashkëpunimit për Mbrojtje për gatishmërinë dhe mbështetjen e pakursyer ndaj Republikës së Kosovës gjatë pandemisë Covid-19 dhe për vullnetin e treguar në zhvillimin e projekteve të Ministrisë së Shëndetësisë.

Gjatë takimit është biseduar për situatën rreth Covid-19, procesin e vaksinimit dhe përgjigjien e përbashkët ndaj sfidave që ka shkaktuar pandemia në sistemin shëndetësor dhe shërbimet vitale për qytetarët.

Ministri Latifi ka siguruar Majorin Conley se mbetet tërësisht i përkushtuar për vazhdimin e projekteve të përbashkëta dhe zgjerimin e fushave të bashkëpunimit.

Nga anën tjetër, Majori Conley ka shprehur përkushtimin e zyrës së tij që të bashkëpunojë ngushtë me Ministrinë e Shëndetësisë në projektet që kanë për qëllim përmirësimin e shërbimeve shëndetësore në Kosovë./arbresh.info/

Shpërndaje në rrjete sociale

Lajmet më të lexuara