Minatorët e Artanës në ditën e dytë të grevës

14:55 | 10 Korrik 2018

Minatorët e Trepçës kanë hyrë në ditën e dytë të grevës të përgjithshme në shenjë pakënaqësie me draft-statutin, si dhe indiferencën e institucioneve përgjegjëse të vendit me vërejtjet dhe kërkesat e tyre rreth këtij draft-statuti.

Ata u shprehën të vendosur të vazhdojnë grevën derisa të merren parasysh dhe të plotësohen të gjitha kërkesat. Edhe minierat e Artanës dhe Kishnicës kanë ndërprerë punën në shenjë solidarizimi me minatorët e Stantërgut.

Minatorët kanë kërkuar takim me ministrin e Zhvillimit Ekonomik dhe me anëtarët e Bordit të Trepçës, por deri tani s’ka ndonjë përgjigje. Minatorët janë shprehur një zëri se pa u plotësuar kërkesat e tyre, ata nuk do të punojnë./Arbresh.info

 

Shpërndaje në rrjete sociale

Lajmet më të lexuara