Meta pas takimit me Osmanin kërkon konsolidim në nisma gjithëpërfshirëse rajonale

21:21 | 25 Nëntor 2021

Presidenti i Shqipërisë, Ilir Meta, ka thënë se në takimin me presidenten e Kosovës, Vjosa Osmani, kanë diskutuar për thellim të marrëdhënieve strategjike  dhe vëllazërore.

Metë në një postim në Facebook, ka thënë se është më rëndësi konsolidimi i bashkëpunimit ndërmjet të gjitha vendeve tona, në kuadër edhe të nismave rajonale gjithëpërfshirëse, në mënyrë të veçantë të Procesit të Berlinit.

“Me shumë rëndësi konsolidimi i bashkëpunimit ndërmjet të gjitha vendeve tona, në kuadër edhe të nismave rajonale gjithëpërfshirëse, në mënyrë të veçantë të Procesit të Berlinit”, ka shkruar Meta, raporton arbresh.info.

Ai po ashtu ka thënë se zbatimi i marrëveshjeve ndërmjet dy shteteve dhe nënshkrimi i të tjerave do të shërbejnë në mënyrë thelbësore forcimit të bashkëpunimit dhe përmirësimit të jetës së qytetarëve tanë.

Kundër nismës rajonale “Ballkani i Hapur”, ka folur edhe presidentja e Kosovës, Vjosa Osmani.

“Nuk mund të mbështetet symbyllur asnjë iniciativë që mund ta rivalizojë apo pengojë procesin e integrimeve në BE dhe orientimin euro-atlantik të rajonit, ku Serbia synon ta ketë rolin kryesor dhe e cila ende nuk e ka njohur Kosovën, thuhet në komunikatën e Presidencës./arbresh.info/

 

 

Shpërndaje në rrjete sociale

Lajmet më të lexuara