Merkel ‘takohet’ me Vuçiqin, bisedojnë për dialogun me Kosovën

17:31 | 3 Dhjetor 2020
Arbresh.info

Kancelarja gjermane, Angela Merkel dhe presidenti serb, Aleksandar Vuçiq, kanë zhvilluar një takim në mënyrë virtuale.

Merkel gjatë ditës së sotme ka zhvilluar një bisedë në mënyrë ‘online’ me presidentin e Serbisë, Aleksandar Vuçiq.

Mediat serbe, bëjnë të ditur se takimi-biseda virtuale është zhvilluar pasditen e së enjtes.

Vuçiq ka publikuar disa fotografi në profilin e tij zyrtar në rrjetin social Instagram ku edhe ka bërë të ditur se temë e këtij takimi virtual ishte lufta kundër koronavirusit, marrëdhëniet Serbi-Gjermani, zgjerimi i Bashkimit Evropian si dhe temë kryesore ishte edhe dialogu Kosovë-Serbi.

Gjithashtu mediat serbe bëjnë të ditur se gjatë mbrëmjes Vuçiq pritet të tregojë detaje të kësaj bisede përmes mediumit publik serb.