Menjëherë pas përfundimit të konferencës që mbajti në Prishtinë, ku foli sinjalizimet për korrupsion brenda këtij misioni ndërkombëtar, EULEX, Prokuroria Themelore e Prishtinës ka ftuar për intervistim ish-prokuroren e EULEX-it, Maria Bamieh.

Këtë e ka bërë të ditur vetë Bamieh përmes një postimi në Facebook.

“Ju njoftoj që sot menjëherë pas konferencës për shtyp një zyrtar policor më dorëzoi një ftesë për intervistim nga prokurorja Fitore Sadiku nën dyshimin që kam kam kryer veprat penale të keqpërdorimit të detyrës zyrtare dhe rrjedhjes së informacioneve sekrete.E pranova ftesën dhe e njoftova zyrtarin policor që do të bashkëpunoj plotësisht me autoritetet kosovare”, ka shkruar Bamieh.

Ndryshe, ish prokurorja e EULEX-it në Kosovë, Maria Bamieh e cila kishte sinjalizuar për korrupsion brenda këtij misioni ndërkombëtar sot në një konferencë për media në Prishtinë ka njoftuar në detaje rastin e saj gjatë kohës sa ishte në EULEX dhe me sfidat me të cilat është përballur nga koha kur kishte filluar të sinjalizonte se diçka nuk ishte në rregull./arbresh.info/

LEXO EDHE

Maria Bamieh: Kishte dyshime për mito në rastin e Ilir Tolajt, kishte dy dëshmitarë në shpërthimin e lokalit “Sekiraça” – Arbresh.info