Një 30-vjeçar nga Kosova, i cili ishte në kërkim me gjashtë urdhërarreste dhe tri kërkime policore për disa vepra të rënda penale, është arrestuar nga Policia e Kosovës.

I dyshuari, R.R.G., ishte i kërkuar nga Gjykata për veprat penale “Tentim vrasje e rëndë, Grabitje, Kanosje, Shkaktim i rrezikut të përgjithshëm” dhe “Lëndim i rëndë trupor”.

Pas arrestimit, i dyshuari është dërguar për vuajtjen e dënimit, në bazë të vendimeve të organeve kompetente.

“Në kontekstin e kësaj në një operacion të befasishëm që ndërmorën njësitë e stacionit policor Qendra dhe Njësia e Reagimit të Shpejt është arritur arrestimi i personit: – R- R.G, mashkull, 30 vjeç, shtetas i Republikës së Kosovës, i kërkuar me gjashtë (6) urdhërarreste nga Gjykata dhe tri (3) kërkime policore për veprat penale “Tentim vrasje e rëndë, Grabitje, Kanosje, Shkaktim i rrezikut të përgjithshëm, Lëndim i rëndë trupor”. I njëjti pas arrestimit nga ana e policisë është dërguar në vuajtje të dënimit”\, thuhet në njoftimin e PK./Arbresh.info