Shërbimi Spitalor Klinik dhe Universitar i Kosovës (ShSKUK) njofton se për gjashtë muajt e parë të këtij viti, Klinika e Pediatrisë ka qenë një ndër klinikat më të ngarkuara të QKUK-së.

Sipas një postimi në Facebook, ShSKUK thekson se mbi 19 mijë vizita emergjente pediatrike janë regjistruar gjatë gjashtë muajve të parë të vitit 2023, shkruan Arbresh.info

Prej tyre, 3 mijë e 400 fëmijë janë spitalizuar për trajtim të mëtejshëm, me mbi 25 mijë ditë shërimi për fëmijët, e po ashtu, 10 mijë vizita ambulantore, në profile të ndryshme pediatrike.

Njoftimi i plotë:

Mbingarkohet Klinika e Pediatrisë në QKUK

19 mijë e 364 vizita emergjente pediatrike ka pasur për gjashtë muajt e parë të vitit 2023, në kuadër të Klinikës së Pediatrisë, duke e bërë njërën nga klinikat më të ngarkuara në Qendrën Klinike Universitare të Kosovës.

Prej tyre ka pasur 3 mijë e 400 fëmijë të spitalizuar për trajtim të mëtejmë, me mbi 25 mijë ditë shërimi për fëmijët, e poashtu, 10 mijë

vizita ambulantore, në profile të ndryshme pediatrike./Arbresh.info/