Policia e Kosovës ka arrestuar dy të dyshuar në Fushë Kosovë, të cilët dyshohet se në mënyrë të vazhdueshme kanë keqpërdorur të dhënat e kartelave bankare të personave të huaj për përfitime personale.

Sipas njoftimit të policisë, është kryer kontrolli i pronës së të dyshuarve, ku gjatë kontrollit është sekuestruar një telefon celular, i cili dyshohet se është përdorur në kryerjen e veprës penale.

“Fushë Kosovë, 28.01.2026, 18:20. Janë arrestuar dy të dyshuar meshkuj kosovarë pasi që të njëjtit dyshohet se në mënyrë të vazhdueshme kanë keqpërdorur të dhënat e kartelave bankare të personave të huaj për përfitime personale. Në konsultim me prokurorin është kontrolluar prona e të dyshuarve ku gjatë kontrollit është sekuestruar një telefon, ndërsa të dyshuarit pas intervistimit janë dërguar në mbajtje”, thuhet në raportin 24 orësh të PK./Arbresh.info