Ministri i Mbrojtes, Ejup Maqedonci ka pritur në takim të ngarkuarin me Punë në Ambasadën e Japonisë në Kosovë, Keisuke Yamanka, dhe Atasheun e Mbrojtjes, Kolonel Saito Tomu.

Ministri njoftoi se gjatë takimit kanë biseduar për bashkëpunimin e tanishëm, si dhe gjetjen e formave të reja për thellimin e këtij bashkëpunimi.

“Kisha kënaqësinë që sot të pres në takim të ngarkuarin me Punë në Ambasadën e Japonisë në Kosovë, z. Keisuke Yamanka, dhe Atasheun e Mbrojtjes, Kolonel Saito Tomu.Gjatë këtij takimi diskutuam për bashkëpunimin e tanishëm, si dhe gjetjen e formave të reja për thellimin e këtij bashkëpunimi”, shkruan Ministri në Facebook.

Tutje, Maqedonci ka falënderuar Yamanka-n për partneritetin dhe mbështetjen e vazhdueshme që Japonia ka shfaqur për shtetin dhe popullin e Kosovës.

“Z. Yamanaka i shpreha falënderimin tim për partneritetin dhe mbështetjen e vazhdueshme që Japonia ka shfaqur për shtetin dhe popullin e Kosovës. Me Japoninë ndajmë vlera dhe qëndrime të përbashkëta, andaj dhe partneriteti ynë bazuar në besimin e ndërsjellët është i gjatë dhe i qëndrueshëm”, shkruan ai./Arbresh.info/