Mediumi serb nova.rs ka raportuar se partitë serbe në Kosovë kanë sugjeruar se presidenti serb, Aleksandar Vuçiq, po përdor Listën Serbe për të organizuar një grup prej 500 personash, të cilët do të vendosin tende para ndërtesës së Presidencës në Beograd.

Opozita thotë se ky veprim ka si qëllim mbrojtjen e presidentit Vuçiq dhe ruajtjen e pushtetit të tij nga një grumbullim masiv i qytetarëve të revoltuar.

Pjesëmarrësit në këtë ngjarje do të shpërblehen me ushqim, pije dhe shpërblim ditor, dhe ata janë të planifikuar të arrijnë në Beograd më 12 mars.

Ky veprim i mbrojtjes do të vazhdojë për të paktën 25 ditë, derisa Vuçiq të vendosë se sa kohë do të zgjasë.

Lëvizja Popullore e Serbëve nga Kosova “Atdheu”, Këshilli Kombëtar Serb i Kosovës dhe Forumi Kombëtar Serb kanë kujtuar të gjithë serbët se “Aleksandar Vuçiq është tradhtari më i madh në historinë e popullit serb.”