Lista Serbe i ka reaguar ministres së Jashtme të Kosovës, Donika Gërvalla e cila sot në Këshillin e Sigurimit në OKB, shfaqi një fotografi e cila liderëve serbe me terroristin Milan Radoiçiq.

”Donika Gërvalla në atë paraqitje tregoi fiksimin e saj ndaj Milan Radoiçiqit, të cilin vazhdimisht e përmendi, por “harroi” ta përmend atë që dëgjojmë e lexojmë në mediat shqiptare me ditë të tëra – siç zyrtarët e partisë në pushtet, me urdhër të Kurtit, e thirrën dhe e lutën që t’i sigurojë votën për zgjedhjen e presidentit”, thuhet në reagim.

”Falë asaj që Radoiçiq, i cili siguroi votën vendimtare të goranëve, presidentja e tyre u zgjodh. Atëherë Radoiçiqi ishte i mirë me ta?”, thuhet tutje në reagimin e LS.

Ndryshe, ministrja Gërvalla shfaqi sot para të pranishmëve në Këshillin e sigurimit një fotografi ku shfaqet ministri i Jashtëm i Serbisë, Marko Gjuriq duke pirë kafe me kryekriminelin serb, Milan Radoiçiq në Beograd.

Sipas Gërvallës, fotoja e publikuar është bërë së voni në Beograd./Arbresh.info

Lexo edhe:

Gjuriqi dhe Radoiçiqi duke pirë kafe në Beograd, Gërvalla në KS të OKB-së: Nuk ka dialog pa zmbrapsjen e Serbisë