Lëndohen dy pjesëtar të policës nga përleshjet në mes të tifozëve të Llapit dhe Ballkanit, arrestohen 21 persona

18:29 | 12 Mars 2023
H.E

Dy policë janë lënduar si pasoj e përleshjes së tifozëve të Llapit dhe të Ballkanit pas përfundimit të ndeshjes së futbollit në Podujevë.

Ndërsa nga ana e tifozëve, siç njofton Policia e Kosovës janë lënduar tre persona.

Kurse për në stacionin policorë janë shoqëruar 21 persona

“Bazuar në të dhënat fillestare, ngjarja ka filluar në stadium, ku janë shkaktuar dëme materiale, (dëmtim i ulëseve), më pas ka vazhduar në rrugët “Besnik Restelica” dhe “Zahir Pajaziti”, ku janë dëmtuar tri vetura dhe një autobus.

Pas vënies nën kontrollë të situatës, policia në koordinim me prokurorin e shtetit, kanë nisë një hetim për ngjarjen.

Hetuesit policor në vazhdimësi janë duke ndërmarrë veprime hetimore me qëlim të identifikimit dhe procedimit e të gjithë të dyshuarve të përfshirë në këtë ngjarje”, thuhet në njoftim./arbresh.info/