Kuvendi vendos për dërgimin e FSK-së në misione jashtë vendit

16:49 | 19 Tetor 2021

Kuvendi i Kosovës ka miratuar në lexim të parë Projektligjin për dërgimin e Forcës së Sigurisë së Kosovës në misione jashtë vendit.

Ky projektligj mori 63 vota për, asnjë kundër dhe asnjë abstenim.

Ministri i Mbrojtjes, Armend Mehaj, tha se projektligji ka për qëllim rregullimin e procedurave për dërgimin e FSK-së në misione jashtë vendit.

Ai tha se FSK është në një mision aktualisht atë në Kuvajt.

Projektligji u mbështet nga të gjitha grupet parlamentare, të cilat thanë se do të japin propozimet e tyre në leximin e dytë./arbresh.info/

Shpërndaje në rrjete sociale

Lajmet më të lexuara