Kryeministri i Kosovës, Albin Kurti ka pirë kafe në Prishtinë dhe pagesën e ka bërë me euro, si mesazh për serbët se në Kosovë se kjo është valuta e vetme e vlefshme në Kosovë.

Mesazhi nga kryeministri u dha në një vend shumë pranë Bankës Qendrore të Kosovës, e cila ka qartësuar në detaje rregulloren të re që ka hyrë në fuqi më datën 1 shkurt, se transaksionet brenda vendit do të kryhen vetëm në euro.

Në videon informuese, shefi i qeverisë sqaron se Kosova nuk e ka ndaluar dinarin ashtu siç nuk e ndaloi as dollarin, as funtën dhe as frangun zviceran.

I vetmi ndryshim, siç tha ai, është që paratë nuk mund të kalojnë kufirin me thasë por përmes llogarive bankare, të tërhequra në euro.

“Pra, Kosova nuk e ndaloi dinarin, ashtu siç nuk e ndaloi as dollarin, as funtën dhe as frangun zviceran. I vetmi ndryshim është se nga 1 shkurti, paratë nuk mund të kalojnë kufirin me thasë, siç nuk mund të bëhet në asnjë shtet demokratik, por mund të vijnë përmes llogarive bankare, të tërhequra në euro.”, u shpreh Kurti, shkruan Arbresh.info.

Ky adresim i tij, vjen pas mbledhjes së Këshillit të Sigurimit të OKB-së në New York ku paralajmëroi se do të ndërmarrë këtë hap./Arbresh.info/

LEXO EDHE:

Kurti-komunitetit serb: Kosova nuk e ndaloi dinarin, paratë s’mund të kalojnë kufirin me thasë-tërhiqen përmes llogarive në euro