Kurti: Kemi të bëjmë me formacion ushtarako-policor që kanë ardhur të luftojnë në Kosovë

13:01 | 24 Shtator 2023
H.E

Kryeministri i Kosovës, Albin Kurti, ka mbajtur sot një konferencë për media lidhur me sulmet në Banjskë të Zveçanit, ku ka theksuar se Policia e Kosovës është duke u ballafaquar me një formacion ushtarako-policor që kanë ardhur të luftojnë në Kosovë.

Ai ka folur edhe për konfiskimet dhe sekuestrimin e armatimit që u bë në dy raste të ndara nga Policia e Kosovës në Zveçan, raporton Klan Kosova.

“Në mënyrë të njëanshme ne kemi zvogëluar praninë e Policisë së Kosovës në në tri komunat veriore, dy here nga 25%, këtë e kemi bërë për të treguar vullnetin tonë të mirë”, ka thënë Kurti.

“Unë besoj që kur shikojmë këto fotografi, duhet të na kujtohet konfiskimi i municionit dhe armatimit edhe në fund të qershorit edhe tash së fundmi që u bë në Zveçan. Tash në Zveçan po vijnë persona që duan luftë”, ka shtuar ai.