Kryeministri i Kosovës, Albin Kurti, sot ka qenë për vizitë në shtëpinë e nënës Ferdonije, në Ditën Ndërkombëtare të Personave të Zhdukur me Dhunë.

Ai sot bëri homazhe te përmendorja dedikuar të zhdukurve me dhunë gjatë luftës në Kosovë.

Bashkë me familjarët e të zhdukurve me dhunë gjatë luftës në Kosovës, ai rithekson zotimin për të mos u ndalur së kërkuari drejtësi për krimet e luftës.

“Qeveria e Republikës së Kosovës është e përkushtuar për të zbardhur zhdukjet me dhunë gjatë luftës, e për t’i dhënë fund pritjes në ankthin më të tmerrshëm pas luftës. Ballafaqimin me të kaluarën e kemi vënë si kapitull të veçantë në kornizën e përgjithshme qё do duhej ta përfshinte marrëveshja finale me Serbinë. Nuk mund të ecim drejt të ardhmes, pa e adresuar të kaluarën, pa u ballafaquar me të”, shkruan Kurti në Facebook./arbresh.info/