Kryetarja Osmani priti në takim Ambasadorin e Austrisë në Kosovë, Chritoph Widinger

18:48 | 29 Shtator 2020
Gita

Kryetarja e Kuvendit, Vjosa Osmani, priti sot në takim Ambasadorin e Austrisë në Kosovë, Chritoph Widinger.

Në takim përveç mbi situatën me pandeminë Covid-19, u diskutua edhe për punën e Kuvendit, planet për sesionin vjeshtor, si dhe zhvillimet aktuale politike në vend, me theks për procesin e dialogut me Serbinë.

Kryetarja Osmani e falënderoi Ambasadorin Widinger për angazhimin e tij aktiv në Kosovë dhe për mbështetjen e pakursyeshme të Austrisë.

“Është e nevojshme që të punojmë në mënyrë aktive. Përkundër pandemisë duhet ta intensifikojmë nivelin e bashkëpunimit me Austrinë, me të cilën kemi bashkëpunim të shkëlqyeshëm në fushën e arsimit. Duhet të zgjerohemi dhe në fusha të tjera me potencial, si dhe të avancojmë bashkëpunimin ndëndërparlamentar, në veçanti diplomacinë parlamentare”, ka theksuar zonja Osmani./arbresh.info/