Kosovarët më së shumti i besojnë medieve

14:11 | 12 Tetor 2017

Qytetarët e Kosovës më së shumti ju besojnë medieve, krahasuar me vendet e tjera të Ballkanit.

38 për qind e tyre pajtohen se mediet në Kosovë janë të pavarura nga ndikimet politike, e pasuar nga Shqipëria me 33 për qind.

Sipas Barometrit Ballkanik, vetëm 13 për qind e qytetarëve të Bosnje dhe Hercegovinës pajtohen me konstatimin për vendin e tyre se mediet janë të pavarura nga ndikimet politike.

Në Serbi, 14 për qind e qytetarëve pajtohen me këtë konstatim për mediet e tyre.

screenshot_35

Këshilli i Bashkëpunimit Rajonal (RCC), për të tretin vit me radhë, ka publikuar Barometrin e Ballkanit, një hulumtim vjetor i opinionit të publikut dhe bizneseve në shtetet e Ballkanit: Shqipëri, Bosnjë dhe Hercegovinë, Kroaci, Kosovë, Mali i Zi, Maqedoni dhe Serbi. Në këtë edicion janë përfshirë 8000 qytetarë dhe 1600 kompani.

Barometri i Ballkanit 2017 ofron të dhënat e mbledhura dhe të analizuara në një sërë fushash tematike dhe paraqet përcepcionin aktual për aspiratat dhe pritjet e popullsisë dhe komunitetit biznesor të Evropës Jug-Lindore për jetën, tregun e punës, trendet socio-ekonomike dhe politike si dhe integrimin evropian.

Ndër indikatorët e matur, Barometri i Ballkanit 2017 sjellë edhe vlerësimin e besueshmërisë në institucionet publike dhe përcepcionin përkitazi me pavarësinë e tyre./arbresh.info/

Shpërndaje në rrjete sociale

Lajmet më të lexuara