13 personave i është ngritur aktakuza për kontrabandë më duhan pasi është përmbyllur operacioni hetimor “Katrani” i nisur në vitin 2018.

Dogana e Kosovës ka njoftuar se është konstatuar se personat e dyshimtë që bëjnë këtë kontrabandë kanë pasur lidhje me zyrtarët doganorë, të cilët u kanë mundësuar kalimin të kufirit ne mënyrë të paligjshme, njofton Klan Kosova.

Dogana ka thënë se ka bërë hetime duke vepruar në mandatin e saj hetimor me qëllim të parandalimit dhe luftimit të kontrabandës me duhan dhe produkte te ngjashme qe mundësojnë konsumin e duhanit ilegal.

“Si hetim i gjithmbarshëm ka përfshirë 47 persona të dyshimtë (dy nga Shqipëria), nga të cilët në proces hetimor 16 persona kane bere marrëveshje mbi pranimin e fajësisë. Në grupin e aktakuzës së fundit janë 13 persona, nga te cilët 9 janë zyrtar doganor qe kane qene me pune në pikë kalimin kufitar të Vermicës, prej tyre 4 zyrtar kanë qenë të arrestuar gjatë procesit hetimor. Të gjithë këta zyrtar tanimë janë të suspenduar dhe vijon edhe procesi disiplinor për të trajtuar te gjitha provat ne dispozicion”.

Provat përkrahin dyshimin për 80.000 mijë kilogram duhan të kontrabanduar me dëm potencial ndaj buxhetit me mbi 3 milionë euro. Gjatë këtij hetimi ka ndihmuar edhe policia me përkrahje teknike.