Komuna e Shtimes ka pranuar donacion një automjet të zjarrfikësve nga partnerët gjermanë të Qarkut Unna, konkretisht nga vendbanimi Wahlbach në Nordrhein Westfalen.

Kështu ka bërë të ditur kryetari i Shtimes, Qemajl Aliu përmes një postimi në Facebook.

“Ky automjet i ri dhe modern që nga sot do të luajë rol kyç në rritjen e kapacitetit dhe efikasitetit të shërbimit tonë lokal të zjarrfikësve, duke ndihmuar në mbrojtjen e Komunës tonë dhe reagimin më të shpejtë e më efektiv ndaj situatave emergjente të zjarreve”, tha Aliu.

“Ky donacion është dëshmi e fortë e bashkëpunimit të frytshëm dhe të suksesshëm që kemi ndërtuar me partnerët tanë gjermanë, sidomos nga vizita jonë e fundit në këtë rajon me takime të nivelit të lartë udhëheqës”, thuhet në postim./Arbresh.info