Komuna e Gjakovës u bën thirrje qytetarëve që të respektojnë masat anti-Covid

DCF 1.0

21:49 | 17 Janar 2022
Arditë Shkodra

Komuna e Gjakovës u ka bërë thirrje qytetarëve të saj që të respektojnë masat anti-Covid dhe të vaksinohen si alternativë e vetme për mposhtjen e koronavirusit.

Përmes një postimi në faqen zyrtare në Facebook thuhet se ditëve të fundit ka pasur një rritje të rasteve të infektimit me Covid-19 dhe si rrjedhojë e kësaj edhe mundësia për rrezikimin e jetës .

“Prandaj, në menyrë që kjo valë e pandemisë të kalojë me sa më pak pasoja, ju lusim që të respektoni të gjitha masat parandaluese dhe njëkohësisht të vaksinoheni, si alternativë e vetme për ta tejkaluar dhe për ta mposhtur virusin. Bëjeni këtë për veten tuaj, për familjarët por edhe për të gjithë bashkëqytetarët tuaj”, thuhet në postim.

Postimi i plotë:

Të dashur qytetarë,

Ditëve të fundit kemi një rritje të rasteve të infektimit me Covid-19. Si rrjedhojë e kësaj është rritur edhe mundësia që jeta e shumë bashkëqytetarëve tanë të rrezikohet deri në maksimum.

Prandaj, në menyrë që kjo valë e pandemisë të kalojë me sa më pak pasoja, ju lusim që të respektoni të gjitha masat parandaluese dhe njëkohësisht të vaksinoheni, si alternativë e vetme për ta tejkaluar dhe për ta mposhtur virusin.

Bëjeni këtë për veten tuaj, për familjarët por edhe për të gjithë bashkëqytetarët tuaj.

Ju faleminderit!