Komuna e Ferizajt vlerëson dëmet që pësuan fermerët nga breshëri

13:41 | 5 Gusht 2025
E.G

Komuna e Ferizajt ka njoftuar se drejtori i Drejtorisë së Bujqësisë, Burim Bajrami, bashkë me drejtorin e Drejtorisë së Shërbimeve Publike dhe Emergjencë, Alberton Sahiti, sot kanë dalë në terren për të parë nga afër dëmet e shkaktuar nga të reshurat e djeshme të shiut në rajonin e Ferizajt, të cilat u shoqëruan edhe me breshër.

Ata vizituan fermerin Mursel Osmani nga Gaçka e Ferizajt, për të parë nga afër dëmet e shkaktuara nga breshëri, shkruan Arbresh.info.

Sipas njoftimit të komunës së Ferizajt, drejtorët komunalë u shprehën se komuna do të angazhohet për t’i kompensuar dëmet e fermerëve.

“Komuna përmes Komisionit Profesional do të bëjë vlerësimin e dëmeve të shkaktuara nga breshëri dhe do të angazhohet në kompensimin e tyre për fermerët e dëmtuar në bazë të mundësive buxhetore”, u tha në njoftimin e komunës së Ferizajt./Arbresh.info/