Komandat Remi në Vushtrri: Koha për t’i dhënë fund krizës po afron

13:29 | 1 Qershor 2026
H.E

Rrustem Mustafa, i njohur gjatë luftës si Komandant Remi, është kandidati për deputet nga radhët e Partisë Demokratike të Kosovës.

Remi dje së bashku me strukturat e PDK-së, ka marr pjesë në një tubim në sheshin “Adem Jashari” në Vushtrri, në kuadër të fushatës zgjedhore të zgjedhjeve të 7 qershorit, shkruan Arbresh.info

Përmes një postimi në Facebook, Remi tha se të bashkuar, me vizion dhe përgjegjësi, ecim përpara drejt ndryshimit që i duhet Kosovës.

“Në Vushtrri, bashkë me strukturat e PDK-së, në sheshin e Adem Jashari aty ku historia ka rrënjë të thella morëm një mbështetje të jashtëzakonshme nga qytetarët. Energjia, besimi dhe vendosmëria që pamë sot janë dëshmi se koha për t’i dhënë fund krizës po afron. Të bashkuar, me vizion dhe përgjegjësi, ecim përpara drejt ndryshimit që i duhet Kosovës”, shkroi komandant Remi./Arbresh.info