Kërcënohet nga dy persona kryetari i Prizrenit, Shaqir Totaj

10:22 | 25 Janar 2023

Kryetari i komunës së Prizrenit, Shaqir Totaj, ka raportuar se është kërcënuar nga dy persona.

Lajmin e ka konfirmuar për arbresh.info zëdhënësi i policisë për rajonin e Prizrenit, Shaqir Bytyqi, i cili tha se rasti është raportuar mbrëmë rreth orës 20:00.

“Dje në orët e vona, Sektori Rajonal i Hetimeve ka marrë informatë se është raportuar një kanosje nga kryetari i komunës së Prizrenit, një i dyshuar ka përçu mesazhe përmes një të dyshuari tjetër te kryetari i komunës për shkak se ka qenë i pakënaqur me vlerësimin e pronës së tij nga komuna. Është fjala për një shtëpi e cila që disa vite pengon përfundimin e rrugës Tranzit i ri në Prizren. Policia ka arrestuar të dy të dyshuarit dhe me urdhër të prokurorit janë dërgur në mbajtje për 48 orë”, tha Bytyqi./arbresh.info/

Shpërndaje në rrjete sociale