Kelmendi: PDK-ja duhet të marrë përgjegjësi për korrupsion, liberalizim të vizave, papunësi …

10:17 | 6 Maj 2017

Gazetari dhe publicisti Adriatik Kelmendi përmes një statusi në rrjetin sociale Facebook ka thënë se për papunësinë, korrupsionin, liberalizimin e vizave etj përgjegjësin duhet ta marrë PDK-ja.

“Nëse Kosova sot është vendi i vetëm në Evropë pa liberalizim vizash, përgjegjësia kryesore i bie PDK-së” ka thënë Kelmendi

Më poshtë mundë ta lexoni statusin e tij të plotë:

Nëse Kosova sot është vendi me papunësinë më të lartë në Evropë, me gjithë vështirësitë që mund të kenë qenë në kontekstin kosovar, përgjegjësia kryesore i bie PDK-së.
Nëse Kosova sot renditet lart në ranglistat e perceptimit të korrupsionit, përgjegjësia kryesore i bie PDK-së.
Nëse Kosova sot është vendi i vetëm në Evropë pa liberalizim vizash, përgjegjësia kryesore i bie PDK-së.
Nëse Kosova sot ende nuk e ka të rrumbullakuar procesin e pavarësisë, përgjegjësia kryesore i bie PDK-së.
Nëse Kosova sot ka implikime të drejtpërdrejta politike nga qeveria e Beogradit, përgjegjësia kryesore i bie PDK-së.
Nëse Kosova sot ka shëndetësinë ndër më të dobëtat në Evropë, përgjegjësia kryesore i bie PDK-së.
Nëse nxënësit e Kosovës renditen nga fundi i vlerësimit të PISA-s, përgjegjësia kryesore i bie PDK-së.
Dhe – po e vëreni – po e vë theksin te nocioni “kryesor”, pasi që vlerësoj se ka edhe të tjerë përgjegjës për këto që u përmendën. Se nëse gjëra të mira i kanë ndodhur Kosovës për këta 18 vjet, e pajtohem se i kanë ndodhur edhe shumë gjëra tepër të mira, edhe për të mirat meritën kryesore mund ta marrë PDK-ja.
Mirëpo, a është Kosova mirë?
Konsideroj se enumeracioni i mësipërm i rekordeve të zeza e përkufizon përgjigjen e saktë. Edhe kuadrot më të mira e më përfaqësuese të PDK-së domosdo që pajtohen se – jo, Kosova nuk është mirë./Arbresh.info/

Shpërndaje në rrjete sociale

Lajmet më të lexuara