Gjykata Speciale po vazhdon të mbaj endë në paraburgim në Hagë, Jakup Krasniqin dhe ish-krerët e tjerë të UÇK-së.

Për ta shtyrë kohën në çelin e burgut, Krasniqi po thurë vargje poetike.

Së fundmi vajza e tij, Gresë Krasniqi ka publikuar disa vargje që i ka shkruar Krasniqi duke përshkruar gjendjen e tij momentale në çeli.

“Burgu im qenka një vrimë. Qiell e diell i shoh copë-copë. Aty ku bie e zgjohem përditë. Për mua është vetëm një gropë. Veçmas për këtë moshë”, janë vargjet që ka shkruar Jakup Krasniqi.

Gjykimi ndaj ish-krerëve të Ushtrisë Çlirimtare të Kosovës (UÇK), nga Dhomat e Specializuara dhe Zyra e Prokurorit, ka filluar nga data 3 prill 2023. Hashim Thaçi, Kadri Veseli, Rexhep Selimi dhe Jakup Krasnqi janë deklaruar të pafajshëm. Ata po mbahen në paraburgim në Hagë që nga viti 2020./Arbresh.info/