IKSHPK: Vaksinimi i fëmijëve i domosdoshëm para fillimit të vitit shkollor dhe parashkollor

10:14 | 26 Gusht 2025
E.H

Ministria e Shëndetësisë dhe Instituti Kombëtar i Shëndetësisë Publike të Kosovës u kanë bërë thirrje prindërve që t’i vaksinojnë fëmijët e tyre para fillimit të vitit të ri shkollor dhe parashkollor.

“Ju bëjnë thirrje që të siguroheni që fëmijët tuaj të kenë marrë të gjitha vaksinat e parashikuara sipas Kalendarit të Rregullt të Vaksinimit, para fillimit të vitit të ri shkollor dhe paraqitjes në çerdhe e kopshte”, thuhet në njoftimin e IKSHPK-së.

Ju rikujtojmë se:

Vaksinat janë të sigurta dhe mbrojnë fëmijët nga sëmundje të rënda e ngjitëse

Vaksinimi në kohë ndihmon në parandalimin e shpërthimeve të sëmundjeve në komunitet

Shëndeti i fëmijës suaj është mbrojtja më e mirë për të dhe për shoqërinë.

“Ju ftojmë që të vizitoni Qendrën tuaj më të afërt të Mjekësisë Familjare për të kryer vaksinimin para fillimit të vitit shkollor”, thuhet në njoftim./Arbresh.info